UNESCO-nun Dünya İrs Komitəsinin sessiyası

İyunun 16-da Kambocanın Pnompen şəhərində UNESCO-nun Dünya İrs Komitəsinin növbəti 37-ci sessiyası işə başlayıb. Komitədə 21 ölkə təmsil olunur və onların əsas vəzifəsi dünyada dünya irs obyektlərinin qorunmasına nəzarət etməkdir. Tədbirdə ölkəmizin nümayəndə heyəti iştirak edir.

Azərbaycanın UNESCO yanındakı daimi nümayəndəliyindən bildiriblər ki, iyunun 27-dək davam edəcək sessiyada Dünya İrs və Təhlükə siyahılarında olan bir sıra obyektlərin saxlanma və mühafizəsi ilə bağlı hesabatlar, eləcə də üzv ölkələrin təqdim etdiyi yeni 32 nominasiya nəzərdən keçiriləcək. Yeni nominasiyalar arasında Tacikistanın Milli Parkı; Gülüstan sarayı (İran), Maymand Mədəni Landşaftı (İran), Polşa və Ukrayna Karpat regionunda Taxta Kilsələr (Polşa/Ukrayna), Bolqar Tarixi və Arxeoloji Kompleksi (Rusiya), Alanya Tarixi şəhəri (Türkiyə) və s. məkanlar var.

Sessiya zamanı Dünya irsi üzrə 1972-ci il Konvensiyasının fəaliyyət qaydalarına əlavələr və beynəlxalq yardım üzrə müraciətlər nəzərdən keçiriləcək.

Mədəniyyət.- 2013.- 19 iyun.- S. 9.